LABELE TAUK ATU SIMU SINOVAC

SAIDA MAK VASINA SINOVAC

Durante ne ita hein CoronaVac SINOVAC no finalmente tama mai duni ita Nia Nasaun no hahu ona halo vasinasaun SINOVAC. Nee’ebe ita hetan suporta husi governu china hamutuk 100.000 dosis. No ita nu’udar cidadaun Timor-Leste ita agradese tebes ba Governo China.

1. Saida mak Sinovac?

Sinovac ho naran seluk CoronaVac mak vasina atu hasoru moras COVID-19 ne’ebe produz husi Sinovac/China National Pharmaceutical Group.

Sinovac nia forma de preparasaun uja modelu “ Virus Inactivadu” ne’e, signifika katak uja particulas inactivu husi virus SARS-CoV-2 (causa COVID-19), ne’ebe virus ne’e destroi ona no hela deit nia material genetiku( proteina Spike) nune’e sei hatama ba ita nia isin no ita nia inmunidade isin sei hasoru no forma antikorpu rasik no sai nu’udar memoria isin, defesa isin nian atu contra bainhira ita hetan infeksaun COVID-19. Ne hanesan teknika ida ne’ebe uluk kedan uja hodi produz hanesan ho vasina ba moras sira seluk.

2. Nia iha efectividade diak atu contra COVID-19?

Iha ensayo Clinico husi SINOVAC ne’ebe hala’o ona iha Brazil, Chile, Indonesia, Turkey, no Filipina. Iha kada nasaun, nia rezultadu eficiencia la hanesan. Ejemplu, iha Brazil hatudu efikásia 50%, iha Indonézia 64%, Chile 65% no Turkey 83,5% husi ensayo clínico fase III.

Iha dia 1 de junho 2021, OMS autoriza ona SINOVAC ba uza emergencia. Liu huis Grupo de Expertos de Asesoramiento Estratégico sobre inmunización (SAGE) OMS nian evalua ona ho exhaustivamente dados sira konaba qualidade, seguridade no eficacia husi vasina ne’e no recomenda ona atu bele utiliza. 

 

3. Oinsá no ema ho idade hira mak bele simu Sinovac?

Vasinasaun Sinovac ba ema ho idade hahu husi 18anos ba leten. Sei injecta ka sona iha ita nia liman ka Braço (via intramuscular) ho preparasaun dosis 0.5ml. Hanesan ho vasina sira seluk nia mos iha Dosis rua ho Intervalo ba cada dosis mak semana 2-4, ne’e significa katak ita simu tia dosis primeiro hafoin liu tia semana 2-4 mak foin ita bele simu fali dosis segundo. No nia eficacia sei kompleto bainhira liu tia 14 dias depois de simu dosis segundo.

4. Ho Ema se tán mak bele simu vacina SINOVAC?

Rekomenda mos ba ema hotu-hotu ho comorbilidade ka ema neebe iha moras nanis ona, tamba sira ne;e bele grave liu tan cuando hetan moras COVID-19.Ema ho moras nanis mak hanesan: obesidade ka isin boot, moras fuan sira (eje. hipertensaun Arterial) , Diabetes mellitus no moras pulmonar sira seluk.

Laiha dadus sufieciente ba inan isin rua sira no inan sira ne’ebe fo susun ba bebé. Por momento OMS rekomenda inan hirak ne’e atu simu vasina maibe sempre hare ba vantagem atu simu vasina ne’e bo’ot liu doque posibilidade risku ne’ebe inan sira ne’e atu hetan.

5. Ba ema se mak labele simu vasina SINOVAC?

a) Ema ne’ebe iha anafilaxia (alergia) ba componentes ruma husi vasina ne’e labele simu vasinasaun SINOVAC

b) Ema ne’ebe ho Teste PCR positivo moras COVID-19, só bele deit simu vasina bainhira ema ne’e liu tena fase agudo no recupera ona husi moras COVID-19.

c) Ema ho isin manas maior de 38 0C sei la simu vasina, 

6. Efeitu adversu sira husi vasina SINOVAC? (efeck samping)

Nia efeitu adversu iha fatin sona nian mak hanesan moras iha fatin sona vasina ne’e,

No efeitus adversus husi reasaun ita nia isin rasik mak hanesan; isin kolen, diarreia ka te-been, isin moras, bele mos isin manas uitoan no baibain síntomas sira ne’e kama’an no sei lakon loron 2 de’it. Depende cada ema nia reasaun inmuinidade ba vasina,maibe iha dalabarak mak ema sente diak-diak hela depois de simu vasina SINOVAC